Die eerste omvattende boek oor hierdie onderwerp in Afrikaans. In hierdie opsig is dit ʾn baanbrekerswerk wat op die boekrak behoort te wees van veral akademici en vakkundiges, maar ook ander wat in taalkunde in Afrikaans belangstel. Aan die hand van 38 hoofstukke deur 53 skrywers (verteenwoordigend van universiteite in Suid-Afrika, asook ʾn aantal buitelandse medewerkers) word met die hulp van Afrikaanse voorbeelde toegelig hoe die toegepaste taalkunde uit ʾn Afrikaanse vertrekpunt benader kan word. Die hoofstukke wissel van wat toegepaste taalkunde as terrein inhou (hoofstuk 1) tot hoofstukke oor taaltoetsing, die onderrig van lees en skryf, rekenaargesteunde taalonderrig, taalbeplanning, meertaligheid, SA Gebaretaal, vertaling, tolkwerk, teksredaksie, terminologie, kindertaal, onomastiek tot linguistiese landskap, en andere. Die verskeidenheid is groot.