Op pad terug van die fliek beland Grant en Nadia in 'n taxi-oorlog – iets wat hulle nooit kon droom met hulle sou gebeur nie. Nadia word deur 'n dwaalkoeël getref en deur die botsing wat volg in die motor vasgepen. Haar lewe hang aan 'n draadjie en sy beland in die waakeenheid. Die moontlikheid dat sy nie weer sal opstaan nie, hang soos 'n swaard oor die mense wat haar ken en liefhet.

In DIT GEBEUR MET ANDER vertel Helena Hugo op haar meesterlike wyse die verhaal van hoe een gebeurtenis mense se lewe in 'n oogwink kan verander. Raak saam met die karakters meegesleur op 'n lewensreis en ontdek hoe kwaad in goed kan verander en hoe vergifnes moontlik word wanneer mense deur een mens se lyding na mekaar toe angetrek word.

DIT GEBEUR MET ANDER sal jou tot op die laaste baldsy boei en die karakters sal nog lank nadat jy die boek neergesit het, in jou gedagtes bly voortleef.