பிரபல இயக்குநர் சிவரஞ்சன் இந்தியாவின் நம்பர் ஒன் இயக்குநர். கதைவசனம் எழுத தெரியாதே ஒழிய இயக்குநர் பணியில் விற்பன்னன்.

தன்னுடைய புதுப்படத்திற்கு டைரக்ஷன் பண்ணும்போது திடீரென்று டைரக்ஷன் பண்ணும் திறமை மறந்து விடுகிறது. மருத்துவரின் ஆலோசனையை பெறுகிறான். அடுத்து தான் யார் என்பதை மறக்கிறான். மனைவியுடனான திருமணநாளை மறுக்கிறான். ஒரு ஹஜ்ரத் சிவரஞ்சனுக்கு ஓதி பார்த்து தாயத்து காட்டுகிறார். எண்கள் இலக்கம் இரட்டிப்பாய் தெரிகின்றன. அம்னேஷியா, டிமென்சியா, அல்ஜெமீர் மறதி நோய்களில் எதாவது ஒன்று சிவரஞ்சனுக்கு வந்திருக்குமோ என மருத்துவர் சந்தேகிக்கிறார். டிடக்டிவ் டியாரா கேஸில் வந்து சேருகிறான். சிவரஞ்சனை அறிமுகப்படுத்திய முதல் தயாரிப்பாளரை விசாரிக்கிறான். டியாரா பயணம் செல்லும் விமானத்தில் பைலட் விமானம் ஓட்டும் திறனை மறக்கிறார். சிவரஞ்சனிடம் உதவிடைரக்டராக இருந்து டைரக்டரான மகுடேஷ்வரை விசாரிக்கிறான். க்ளைமேக்ஸில் சிவரஞ்சனின் மறதி நோய் செயற்கையாய் உருவாக்கப்பட்டதா? சிவரஞ்சன் எழுத்தாளர் பாலமித்ரனின் கதையை திருடியதால் பழிவாங்கப்படுகிறாரா? மீதி நாவலை படித்து தெரிந்து கொள்ளுங்கள். நாவலை படித்துவிட்டு கதை திருடும் தமிழ் இயக்குநர்கள் சிலரின் முகங்கள் நினைவுக்கு வந்தால் நாங்கள் பொறுப்பல்ல.