பிரபஞ்சம் என்றால் என்ன?

இது ஒரு மிகப் பெரிய கேள்வி. அண்டம் என்பார்கள் அழகு தமிழில் நமது சித்தர்கள். சூரியக் குடும்பமும், இன்னும் கோடிக்கணக்கான நட்சத்திரங்களும், கிரகங்களும் சுற்றிச் சுழன்று கொண்டிருப்பதைத்தான் பிரபஞ்சம் என்கிறோம்.

இந்தப் பிரபஞ்சம் எப்படி ஏற்பட்டது?

ஒன்றுமே இல்லாத ஒரு நிலைப்பாட்டில் தோன்றிய பெருவெடிப்பை அடுத்தே பிரபஞ்சம் தோன்றியது என்பது விஞ்ஞானிகளின் கண்டுபிடிப்பு.

அந்தப் பெரு வெடிப்பு நிகழ்ந்தது எப்படி?

அத்தேடலுக்கான ஆராய்ச்சி தீவிரமாக நடந்து கொண்டிருக்கிறது.நாம் வாழ்ந்து வரும் இந்தப் பிரபஞ்சத்தைப் போல இன்னும் நிறைய பிரபஞ்சங்கள் இந்தப் பேரண்டத் தில் இருப்பதாக நம்பப்படுகிறது.அப்படியானால் பல சூரியன்கள் இருக்கின்றன என்பதே கண்டுபிடிப்பு.

பெரு வெடிப்பு நிகழ்த்திய அதிசயங்களின் உருவாக்கம்தான் பல பிரபஞ்சங்கள். இவ்வாறு பல்வேறு மர்மங்களை உள்ளடக்கிக் கொண்டிருக்கிறது இந்தப் பிரபஞ்சம்.அவற்றைப் பற்றி முடிந்த வரையில் அலசி ஆராயப் பட்டுள்ளது இந்தப் புத்தகத்தில்.