Þegar Debóra Towner kynnist Brian Hayne vakna hjá henni tilfinningar sem voru henni áður ókunnar. Þau Debóra og Brian eiga sér ævintýralegt og ástríðufullt ástarsamband þar til að myrk leyndarmál Brian fikra sér leið upp á yfirborðið. Debóra situr eftir með sárt ennið og virðist þurfa að gjalda stórt fyrir að hafa gleymt sér í hita leiksins þegar líf hennar tekur stakkaskiptum á ný. Hún kynnist Uan Palisser. Uan er ríkur maður sem býður henni upp á allt sem hugann girnist og meira til. Með Uan getur Debóra leyft sér allann munað, klæðst fínustu flíkum og skartgripum. Hana skortir ekkert, eða næstum ekkert. Áfram leika örlögin Debóru grátt og fleiri menn flækjast inn í líf hennar. Hún verður yfir sig ástfangin af Adrian Penarth en telur sig ekki geta átt hann, né haldið áfram daglegu lífi, nema að játa allar syndir sínar og gera honum ljóst hver hún er í raun. Þá liggur leið hennar í klaustur þar sem hún ritar sögu sína.-